ಆಸ್ತಿ ಹಂಚಿಕೆಯಲ್ಲಿ ಅಣ್ಣನಿಗೆ ಹೆಚ್ಚು, ತಮ್ಮನಿಗೆ ಕಡಿಮೆ ಜಮೀನು ಸಿಕ್ಕಿದ್ಯಾ? ಚಿಂತೆ ಬೇಡ, ಕಾನೂನು ಏನು ಹೇಳುತ್ತೆ ನೋಡಿ!

Property Division: ಹಳ್ಳಿ, ನಗರ, ಕುಟುಂಬ – ಎಲ್ಲೆಡೆ ಆಸ್ತಿ ಹಂಚಿಕೆ ವಿವಾದದ ಕಾರಣವಾಗುತ್ತದೆ. ಹಿರಿಯ ಮಗನಿಗೆ ಹೆಚ್ಚು, ಕಿರಿಯ ಮಗನಿಗೆ ಕಡಿಮೆ ಕೊಡುವ “ಪದ್ಧತಿ” ಹಿರಿಯರು ಮಾಡಿಕೊಂಡಿರುತ್ತಾರೆ. ಆದರೆ ಈ ಅನ್ಯಾಯ ನ್ಯಾಯಬದ್ಧವೇ? ನಿಮಗೆ ಕಡಿಮೆ ಪಾಲು ಸಿಕ್ಕಿದರೆ ಏನು ಮಾಡಬೇಕು? ಈ ಲೇಖನದಲ್ಲಿ, ಈ ರೀತಿಯಾದ ಸಮಯದಲ್ಲಿ ಕಾನೂನು ಏನು ಹೇಳುತ್ತದೆ ಎಂಬುದರ ಸ್ಪಷ್ಟ ಮಾರ್ಗದರ್ಶನ ಇಲ್ಲಿದೆ, ಸಂಪೂರ್ಣ ಓದಿರಿ.

ಪಿತ್ರಾರ್ಜಿತ ಆಸ್ತಿ: ಎಲ್ಲರಿಗೂ ಸಮಾನ ಹಕ್ಕು

ಆಸ್ತಿಯು ನಿಮ್ಮ ಅಜ್ಜ/ತಾತನಿಂದ ಬಂದ ಪಿತ್ರಾರ್ಜಿತ ಆಸ್ತಿ ಆಗಿದ್ದರೆ, ಹಿಂದೂ ವಾರಸುದಾರಿಕೆ ಕಾಯ್ದೆ (Hindu Succession Act) ಪ್ರಕಾರ ಎಲ್ಲಾ ಪುತ್ರರು ಮತ್ತು ಪುತ್ರಿಯರಿಗೆ ಸಮಾನ ಹಕ್ಕು ಇರುತ್ತದೆ.

• ಅಣ್ಣನಿಗೆ 2 ಎಕರೆ, ತಮ್ಮನಿಗೆ 1 ಎಕರೆ – ಇದು ಕಾನೂನುಬದ್ಧವಲ್ಲ.
• ಬಲವಂತ, ಮೋಸ, ಒತ್ತಾಯದಿಂದ ಹಂಚಿಕೆ ಮಾಡಿದ್ದರೆ, ನೀವು ನ್ಯಾಯಾಲಯದಲ್ಲಿ ‘ಪಾರ್ಟಿಷನ್ ಸೂಟ್’ (ಭಾಗದ ದಾವೆ) ಹೂಡಿ ನಿಮ್ಮ ಸಮಪಾಲು ಕೇಳಬಹುದು.
• 2005 ನಂತರ, ಪುತ್ರಿಯರಿಗೂ ಪಿತ್ರಾರ್ಜಿತ ಆಸ್ತಿಯಲ್ಲಿ ಸಮಾನ ಹಕ್ಕು ಇದೆ.

ತಂದೆಯ ಸ್ವಯಾರ್ಜಿತ ಆಸ್ತಿ: ಇಲ್ಲಿ ನಿಯಮ ಬೇರೆ

ಆಸ್ತಿಯು ನಿಮ್ಮ ತಂದೆಯವರ ಸ್ವಂತ ಸಂಪಾದನೆ ಆಗಿದ್ದರೆ, ಅವರಿಗೆ ಅದನ್ನು ಇಷ್ಟಬಂದವರಿಗೆ ಕೊಡುವ ಸ್ವಾತಂತ್ರ್ಯ ಇದೆ.

• ತಂದೆ ವಿಲ್ಲು (ಮೃತ್ಯುಪತ್ರ) ಮಾಡಿ ಅಣ್ಣನಿಗೆ ಹೆಚ್ಚು ಕೊಟ್ಟರೆ, ಅದನ್ನು ಪ್ರಶ್ನಿಸಲು ಸಾಮಾನ್ಯವಾಗಿ ಅವಕಾಶ ಇಲ್ಲ.
• ಆದರೆ ವಿಲ್ಲೇ ಇಲ್ಲದೆ ತಂದೆ ನಿಧನರಾದರೆ, ಎಲ್ಲಾ ಕಾನೂನುಬದ್ಧ ವಾರಸುದಾರರಿಗೆ ಸಮಾನ ಪಾಲು ಸಿಗಬೇಕು.
• ವಿಲ್ಲು ಮೋಸ, ಒತ್ತಾಯ, ಮಾನಸಿಕ ಸಮತೋಲನ ಇಲ್ಲದೆ ರಚಿಸಿದ್ದು ಎಂದು ಸಾಬೀತು ಮಾಡಿದರೆ ಮಾತ್ರ ಅದನ್ನು ಚಾಲೆಂಜ್ ಮಾಡಬಹುದು.

ಪಾಲುಪಟ್ಟಿಗೆ ಸಹಿ ಹಾಕಿದ್ದೇವೆ – ಈಗ ಏನು?

ಆಸ್ತಿ ಹಂಚಿಕೆಯ ಸಮಯದಲ್ಲಿ ಪಾಲುಪಟ್ಟಿ (Partition Deed) ತಯಾರಾಗಿ, ನೋಂದಣಿ ಆಗಿ, ನೀವು ಸಹಿ ಹಾಕಿದ್ದರೆ, ಅದನ್ನು ಸುಲಭದಲ್ಲಿ ರದ್ದು ಮಾಡಲು ಬರುವುದಿಲ್ಲ.

ಆದರೆ ಕೆಳಗಿನ ಸಂದರ್ಭಗಳಲ್ಲಿ ನೀವು ಕೋರ್ಟಿಗೆ ಹೋಗಬಹುದು:

• ಮೋಸ (Fraud): ಆಸ್ತಿಯ ನಿಜವಾದ ಮೌಲ್ಯ ಅಥವಾ ವಿಸ್ತೀರ್ಣವನ್ನು ಮರೆಮಾಚಿ ಸಹಿ ಹಾಕಿಸಿದ್ದರೆ.
• ಬೆದರಿಕೆ (Coercion): ಒತ್ತಾಯ, ಬೆದರಿಕೆಯಿಂದ ಸಹಿ ಹಾಕಿಸಿದ್ದರೆ.
• ಗುಪ್ತ ಆಸ್ತಿ (Hidden Assets): ಕೆಲವು ಆಸ್ತಿ ಭಾಗಗಳನ್ನು ಮುಚ್ಚಿಟ್ಟು ಹಂಚಿಕೆ ಮಾಡಿದ್ದರೆ ಅಂತಹ ಸಂದರ್ಭದಲ್ಲಿ ಅದನ್ನು ದೃಢಪಡಿಸುವ ಸಾಕ್ಷ್ಯಗಳು ನಿಮ್ಮಲ್ಲಿದ್ದರೆ ಕೋರ್ಟಿಗೆ ಹೋಗಿ ನ್ಯಾಯ ಪಡೆಯಬಹುದಾಗಿದೆ.

ಹಳೆಯ ಹಂಚಿಕೆಯನ್ನು ಮತ್ತೆ ತೆರೆಯಬಹುದೇ? (Re-opening of Partition)

ಹೌದು, ಸಾಧ್ಯ!

• ಹಂಚಿಕೆಯ ಸಮಯದಲ್ಲಿ ನೀವು ಅಪ್ರಾಪ್ತ ವಯಸ್ಕ (Minor) ಆಗಿದ್ದರೆ.
• ಮೋಸ, ಒತ್ತಾಯ, ನ್ಯಾಯವಿಲ್ಲದ ವ್ಯವಹಾರ ಇದ್ದರೆ.
• ಕುಟುಂಬ ಒಡಂಬಡಿಕೆ (Family Settlement) ಅಸ್ಪಷ್ಟ ಅಥವಾ ಅನ್ಯಾಯಪೂರ್ಣವಾಗಿದ್ದರೆ.

ಈ ಸಂದರ್ಭಗಳಲ್ಲಿ ಸಿವಿಲ್ ನ್ಯಾಯಾಲಯದಲ್ಲಿ ಹಂಚಿಕೆಯನ್ನು ಮರುಪರಿಶೀಲನೆ ಮಾಡಿಸಬಹುದು.

ನಿಮ್ಮ ಹಕ್ಕುಗಳನ್ನು ಕಾಪಾಡಿಕೊಳ್ಳುವ ಮಾರ್ಗ

1. ಮಾಹಿತಿ ಸಂಗ್ರಹ: ಜಮೀನಿನ ಮ್ಯುಟೇಶನ್, ರೆವೆನ್ಯೂ ದಾಖಲೆಗಳು, ಪಾಲುಪಟ್ಟಿ, ವಿಲ್ಲು – ಎಲ್ಲಾ ದಾಖಲೆಗಳ ಪ್ರತಿ ಸಂಗ್ರಹಿಸಿ.
2. ವಕೀಲರ ಸಲಹೆ: ಆಸ್ತಿ ವಿವಾದಗಳಲ್ಲಿ ನುರಿತ ಸಿವಿಲ್ ವಕೀಲರನ್ನು ಸಂಪರ್ಕಿಸಿ.
3. ಮಾತುಕತೆ: ಸಾಧ್ಯವಾದರೆ ಕುಟುಂಬದ ಹಿರಿಯರು/ಮಧ್ಯಸ್ಥಿಕೆ ಮೂಲಕ ಪರಿಹಾರಕ್ಕೆ ಪ್ರಯತ್ನಿಸಿ.
4. ಕಾನೂನು ಕ್ರಮ: ಮಾತುಕತೆ ವಿಫಲವಾದರೆ, ನ್ಯಾಯಾಲಯದ ದಾವೆ ಹೂಡುವುದು ಕೊನೆಯ ಮಾರ್ಗ.

ಆಸ್ತಿಗಿಂತ ಸಂಬಂಧ ಮಹತ್ವದ್ದು – ಆದರೆ ಅನ್ಯಾಯವನ್ನು ಸುಮ್ಮನೆ ಸಹಿಸುವುದು ಸರಿಯಲ್ಲ. ನಿಮಗೆ ಕಾನೂನುಬದ್ಧ ಹಕ್ಕು ಇದೆ. ಸರಿಯಾದ ಮಾಹಿತಿ ಮತ್ತು ಕಾನೂನು ಸಹಾಯದಿಂದ ನಿಮ್ಮ ಪಾಲನ್ನು ಪಡೆಯಲು ಸಾಧ್ಯ.

ಘೋಷಣೆ

ejobupdate.in ಯಾವುದೇ ಸರ್ಕಾರಿ ಸಂಸ್ಥೆ, ಅಧಿಕೃತ ಇಲಾಖೆ ಅಥವಾ ಪ್ರಾಧಿಕಾರದೊಂದಿಗೆ ಸಂಯೋಜಿತವಾಗಿಲ್ಲ. ಈ ಪೋಸ್ಟ್/ವೆಬ್‌ಸೈಟ್‌ನಲ್ಲಿ ಒದಗಿಸಲಾದ ಮಾಹಿತಿಯು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ನಮ್ಮ ವಿಷಯದ ಬಳಕೆಗೆ ಸಂಬಂಧಿಸಿದ ಯಾವುದೇ ಹಾನಿ ಅಥವಾ ದೋಷಗಳಿಗೆ ನಾವು ಜವಾಬ್ದಾರರಲ್ಲ. ಯಾವುದೇ ಕ್ರಮ ತೆಗೆದುಕೊಳ್ಳುವ ಮೊದಲು ಆಕಾಂಕ್ಷಿಗಳು ಯಾವಾಗಲೂ ಅಧಿಕೃತ ವೆಬ್‌ಸೈಟ್ ಅಥವಾ ಅಧಿಸೂಚನೆಯಿಂದ ನೇರವಾಗಿ ಮಾಹಿತಿಯನ್ನು ಪರಿಶೀಲಿಸಬೇಕು.